Suraꞌna Paulus mange ri: TESALONIKA, TIMOTIUS, TITUS, FILEMON

Suraꞌna Paulus numaka SEꞌREa mange ri Ummaꞌa ri TESALONIKA

Tesalonika kota roaꞌna Makedonia, sibatu poropensi ri paꞌkaraengangna Roma.     Paulus angngukiri suraꞌ numaka seꞌrea inni mange ri ummaꞌa ri Tesalonika langkaddorii na lampaenteng sassaꞌi iangaseꞌna. Napihalimi paꞌkutaꞌnangna ngaseꞌ ri sesena pamaeangna Puang Isa numaka pinruanga. Nipangngajarii ri Paulus sollanna aꞌtarrusu anjama na sannang na sihali natajangi Masihi pamaeangna na lompo panrannuang.

Suraꞌna Paulus numaka RUAya mange ri Ummaꞌa ri TESALONIKA

Suraꞌna Paulus numaka ruaya mange ri ummaꞌa ri Tesalonika naukirii lampaꞌtanreꞌi pasilalongang kabangngakangna ri sesena pamae­ang­na Masihi numaka pinruanga. Pangnguppana iangaseꞌna angkua kariekangna Masihi numaka pinruanga anjarimi. Paulus angkua iangaseꞌna parallu kaleai aꞌparrang ri katappakangna ri Masihi manna mamo sukkara tallasaꞌna na aꞌnassami sessana na aꞌtarrusui aꞌgauꞌ hajiꞌ.

Suraꞌna Paulus numaka SEꞌREa mange ri TIMOTIUS

Timotius tau nutappaꞌ ri Masihi nurongoija na anjari urang na patunranginna Paulus ri panjampaiangna.    Ri suraꞌ maka seꞌrena Paulus inni napaingaꞌi Timotius ri sesena ajarang sala nurieꞌa ri ummaꞌa ri kota Efesus nungkua anreꞌ namaꞌring bunting, na parallu aꞌling ri seꞌre kanreang na maraengangnaya pole. Naajara toꞌi batena angngatoroi ummaꞌa ri sesena sambajang na napaꞌnassaangi sippaꞌna nuꞌkullea anjari paꞌtoa ummaꞌ na patunrangi ummaꞌ.

Suraꞌna Paulus numaka RUAya mange ri TIMOTIUS

Suraꞌ maka ruana Paulus mange ri Timotius naukirii hattunna Paulus nitarungku isseꞌ. Naukirii suraꞌa inni ka kasino-sino nasaꞌring lanri lohe urangna ansalaii; nampa pole napangngajarii Timotius sollanna tarrusui satia anjama manna mamo aꞌdallekang kasessaang na paꞌbaliang.

Suraꞌna Paulus mange ri TITUS

Titus nutalia tau Yahudi anjari taunna Masihi na urang sipanjamaang Paulus. Inni suraꞌa Titusmi nipatujuiang nuinjo hattua rieꞌi ri Kreta lantarang nisalainna kunjo mange ri Paulus lamparakaii ummaꞌ nukunjoa mange.    Ri suraꞌa inni Paulus ampauꞌrangii Titus ri sesena sippaꞌna tau nuꞌkullea anjari pungkaha ummaꞌ na batena angngajarai tau nuri ummaꞌa, iamintu buruꞌne na bahine nutoayamo na tau rongoa na ataya.

Suraꞌna Paulus mange ri FILEMON

Suraꞌna Paulus mange ri Filemon inni (sitau paꞌtoa ri ummaꞌa ri Kolose) angngerai sollanna sidamei Filemon na atanna nuarengna Onesimus numaeng numari na nunisuro amminro ri Paulus. Naerai Paulus sollanna Filemon antarimai amminro Onesimus taliaji anjari atanna nunapammop­porang, mingka anjari pole urang ri tau tappaꞌa ri Masihi.

Thumbnail image